De ferneamde Fryske bluessjonger fan eartyds Dôve en Bline Pibe sjongt ‘Ik bin dôf en blyn’.
… Lês fierderIk bin dôf en blyn
Reagearje
Feddema. Anne
Treppen
As Peaske en Pinkster op ien dei falle…wa seit dat noch wolris tsjintwurdich? Wêr binne se yn ’e goedichheid bleaun…sprekwurden, sechjes, siswizen? De klean om ’e neakene klisjees oan te klaaien. Dêr moat ik no ynienen oan tinke, heal ûnderútlizzend op ’e bank om mar sa min mooglik gewicht op myn kont te hawwen. It is de dei nei Pinkster en ik hoopje dat de hillige geast net útflein is en mi helpe sil om in goede Kollum te skriuwen.
Laitsjende emoji mei in drip swit, of is it in trien dy’t fan ’e kop spat?…hoe dan ek…dy alsa.
Tûke lêzers fan myn stikje sille har no al ôffreegje…wat is der mei dy kont fan him?… Lês fierder
Wie bistou nou
https://soundcloud.com/duo-von-daniken/wie-bistou-nou-11-05-2021-1210
‘Wie bistou nou’ is in troch ús techneuten wat opknapte opname fan de legendaryske Ljouwerter band De Suurtsjes. Sjonger Jan Braaksma (1952) is spitigernôch net mear ûnder ús… Hy hat in wyld libben libbe…… Lês fierder
Libben fan in keunstner
Hjoed is it moandei, 26 april, in strieljend blauwe loft. De keunstner hinget op ‘e bank en skriuwt in kollum. Dan komt him yn ‘t sin dat er de wask ophingje moat en dat moat no barre, oars bliuwt de wask te lang yn ‘e masine sitten en rûke de klean aanst wer net lekker fris. Ik bedoel mar: sa’n begjin…om te koarjen. Hoe húsk wolle je it hawwe?…krije? Miskien wolle de minsken (hokker binne dat nammers?, útsein de oare redaksjeleden) leaver lêze dat ik, foar’t der in stikje bôle nei binnen kin, earst in liter ferheuging fuortwurkje moat. Dat ik healsmoar nei de bakker of supermerk moat en ûnderweis fan alles en noch wat tsjinkom.… Lês fierder
Swarte Triennen: filmmuzyk fan Berend Folkertsma
It is noch net algemien bekend, mar komponist Berend Folkertsma hat ek elektroanyske myzyk makke. Jo kinne diskear harkje nei Swarte Triennen, bedoeld foar de film dy’t by it lyknammige boek fan Willem Verfstra makke wurde soe, mar fan it projekt is (oant no ta) neat op ‘e hispel kaam.
Berend Folkertsma
Willem Verfstra
Klik hjir foar de muzyk… Lês fierder
It koe minder
Kollumman, hjir is er wer. Jimme, geniaal skriuwende, nije ynsichten op it aljemint bringende, Kantiaanske byldzjende superheld, om mar ris in pear strielen solipsistyske hagiografy op mysels skine te litten.
In oar docht it net no?…of ik soe by Fers2 gean moatte fansels. Mar dat doch ik 1…3…4…net.
Ék net en benammen hiel ienfâldich net, om’t it net subsidiearre is…ik wurd leaver sliepende ryk, jou my ris ûngelyk, by Ensafh.
Mar ik woe it net hawwe oer saken dy’t never nea net haadsaken foar my wurde sille.
Ik woe it hawwe oer de folsleine foldwaning dy’t ik út it meitsjen fan myn wurk helje, literêr en byldzend en muzikaal en net om’t ik sa sa nedich etalearje moat hoe goed ik wol (net) bin.… Lês fierder
Met een boekske in een hoekske
Atze van der Veen siet as in hearremyt op in skilderij út ’e iere renêssânse, tusken steapels boeken en boekekasten, dêr’t guon planken fan knapt wienen, sadat de boeken, dy’t der op stienen eins leinen op ’e rige boeken dêrûnder. In útspranteljend boekeuniversum. Hjir hearske in guodlike boekegeast, eigner fan in antikwariaat, dêr’t miskien heechút, ien of twa minsken op in dei binnenkamen.
Boeken alsa én goede boeken fansels. Dêr soarge Atze wol foar. Boeken, jawis…heech opsteapele… besteapele… ûndersteapele… fersteapele… neam mar op. In skatkeamer as de tombe fan Toetanchamon… hillige serendipiteit, foar wa’t der tiid en muoite foar naam om by Atze te sneupen en te strunen.… Lês fierder