Groot. Edwin de

Edwin de Groot

Swije as in fisk

Pleatst op
logo.ensafh

En de jonkfrou frege Parsifal:
Hasto de fisker-kening
frege wat him skeelt?
Parsifal: Nee, dat doarde ik net oan,
dus hâlde ik my mar stil.
Jonkfrou: Och, do ûnsillige.
Dat is no krekt syn flok, syn lot.
As dy iene, wichtige fraach
nea steld wurdt, sil hy nea genêze en
sil it him nea noch nimmer wer foar de wyn gean.

Der komt in protte goeds út goeie fragen, Parsifal!

Swije as in fisk

sa mar ynienen is it maatskepke
foar de kofje te grut foar ien
kin in pot HAK twa dagen lije en
duorret in literspak molke krekt wat te lang

soer

it foarbygean makket him
in fisker-kening
tsjin wil en tank syn ryk
allinne
 
 
 

'Ik Skip' troch Edwin de Groot

Ein febrewaris 2008 is Edwin de Groot syn nije dichtbondel ‘Ik skip’ ferskynd by útjouwerij Bornmeer.… Lês fierder

Edwin de Groot

Dûbel gefoel

Pleatst op
Reagearje
logo.ensafh

By útjouwerij Venus is yn 2007 de gedichtebondel Ieneach Kening ferskynd. Mei gedichten fan Jelle Kaspersma en tekeningen fan Gerrit Cnossen. Kaspersma hat yntusken in aardich nustje gedichtebondels útbrocht en yn in stikmannich dêrfan sit de kombo fan yllustraasjes en gedichten.

Copyright: Gerrit Cnossen/Utjouwerij Venus (2007)

No kinne dy twa keunstfoarmen inoar hiel bêst oanfolje, ferdjipje, neam it mar. It slagge my lykwols net om echt in relaasje tusken byld en wurd te finen. It fernuvere my dan net en lês yn de parse dat de tekenings fan Cnossen en de poëzy fan Kaspersma neat mei mekoar te krijen hawwe soenen. Yn in ynterview mei Sietse de Vries yn de LC (5-10-2007) seit Kaspersma dat der gjin relaasje is tusken de gedichten en de tekeningen.… Lês fierder

Edwin de Groot

Sjane (acht haikûs)

Pleatst op
Reagearje
logo.ensafh

Myself I long for love and light,
But must it come so cruel, and oh so bright?
Leonard Cohen, Joanne of Arc

 
I.
Op ’e skreiershoek
foechleas in stoanjende stee
oarlochsglês ynein

 
II.
Sjane dwelmet om
op in trochnaaid tizehiem
sjitleaden fleane

 
III.
Nacht op nacht op nacht
fleach de siedder op har oan
oant flym him kearde

 
IV.
Mem hat it witten
ringfeart djip en wûnderwiet
seegrien har boeteklaad

 
V.
Inkeld har stimmen
yn barbeknypte keamers
famke praat foar tsien

 
VI.
Brânmûlen flaaie
de edelfrou op ’e troan
splinterflewiel skroeit

 
VII.
Fjoertoer yn it lân
geil folterjende tongen
sykje hout en fleis

 
VIII.… Lês fierder

Edwin de Groot

In poëtyske sjonger of oarsom?

Pleatst op
Reagearje
logo.ensafh

Bennie Huisman – ‘It liet fan de lêste reis’ [3:38]
 
 
De Fryske sjonger en ferteller Bennie Huisman hat dit jier Hûs oan See útbrocht. Syn sechsde titel bestiet út in bondel mei gedichten en lietteksten en in CD mei foardrachten en lieten útfierd troch Huisman yn ’e mande mei Frederike Kleefstra en Corinne Staal. Huisman (60) is hikke en tein op it Hearrenfean en al in foech 25 jier warber as sjonger en ferteller, muzikant en skriuwer. As de gemiddelde Fries frege wurdt hokfoar artyst Huisman is, komme yn it antwurd grif mear as gemiddeld omskriuwingen fan de man foar mei termen as skippersfersen, shantykoaren en tradisjoneel.… Lês fierder

Edwin de Groot

Es ist vollbracht

Pleatst op
logo.ensafh
Frij nei ‘Herbsttag’ (1902) fan Rainer Maria Rilke (1875-1926)

In skrale stim út in lea fan neat,
sjongt de wyn de bosk en singels ta houtsskeletten.
Sûcht de grûn it einichste ljocht en blêd.

Winterprei en hazzekoal stekke de earen op en
de grienfrucht toait him al mei winterige kaam.
Rispje dus noch gau wat waarm wie, it simmerfruit
yn Weck en folje de fetten mei swiet ferwachtsjen.

Al it swit fan ’t houtsjen, it steapeljen yn de hokken no ferjitten.
Fan de rinte in waarm hûs en hite brij.
Wy kinne lêze, myn leafste, ek mekoar.
De lytse letterkes en oer lottere ekers dûzje.… Lês fierder

Edwin de Groot

Hans Lodeizen oerset

Pleatst op
logo.ensafh

Guon sprekke syn namme mei respekt út, oaren fine it mar in mankeliken ien. Yn syn tiid is Hans Lodeizen (1924-1950) in stikmannich kearen wegere troch redaksjes fan “grutte” tydskriften. Net fernijend genôch, te romantysk, hearde hy faak. De man wie noch net dea en ja hear, hy krijt in priis. Dy prizen ek, der is altiten wol in ferhaal by… Gerben Willem Abma skreau as Daniël Daen yn syn gedicht “de deade dichter” al:
“de libbene dichter hâldt ien treast foar letter
de deade dichter dichtet altyd better”

Lodeizen yn ‘t Nederlânsk, Frysk (troch Edwin de Groot), Stellingwerfsk (Piet Bult) en Ingelsk (Ate Grypstra):
 
 
De buigzaamheid van het verdriet

in een wereld van louter plezier
kwam ik haar tegen, glimlachend,
en ze zei: wat liefde is geweest
luister ernaar in de bomen
en ik knikte en we liepen nog lang
in de stille tuin.… Lês fierder

Edwin de Groot

DVD fan Tsjêbbe Hettinga ‘Het licht van de zee’

Pleatst op
Reagearje
logo.ensafh

Healwei dit jier is yn it ramt fan Tsjêbbe Hettinga’s reis nei Colombia en syn optredens dêre de DVD Het Licht van de Zee ferskynd mei tagelyk ek in Spaansktalige ferzy, La Luz del Mar, dy´t yn it foarste plak ornearre is foar de Latynsk-Amerikaanske merke. Hettinga wie in Súd-Amearika te gast by it ‘Festival Internacional de Poesía de Medellín’. Op de DVD stiet de dokumintêre “Yn dat sykjen sûnder finen’ út 2006 dy’t Pieter Verhoeff foar de VPRO makke hat en dy’t al earder op TV útstjoerd waard. Fierders in tal foardrachten fan Hettinga en de folsleine tekst fan syn bondel Fan oer see en fierder.… Lês fierder