Tigchelaar. Geart

Geart Tigchelaar

En streame docht it

Pleatst op
logo.ensafh

Besprek Dat it streamt fan Wilco Berga

De alsidige keunstner Wilco Berga hat ferline jier by de Afûk de ferhalebondel Dat it streamt publisearre. Berga rint al in moai skoftke mei yn ’e Fryske literatuer en hat perfoarst net stilsitten. Poëzijbondels, romans, toaniel en folle net genôch. Dêrnjonken is er ek byldzjend keunstner mei in atelier yn ’e havenstêd Harns.

Yn it sinjalemint haw ik tasein om it ien en oar oer de ûntknopings te sizzen. Om sa gau mooglik oan dat ûnthjit te foldwaan, set ik dêrmei útein. Ik haw skreaun dat se almeast de kryptyske kant it neist binne.… Lês fierder

Geart Tigchelaar

Foaropwurd 68

Pleatst op
logo.ensafh

Mar de oanstriid om te skriuwen is eins grutter as it lêzen wurde. En dêrmei is fuort noch in soarte fan eksperimintsje foltôge.
Ik hie nammentlik sels altyd tocht, dat wannear’t men net lêzen wurde soe, men der op ’t lêst wol mei ophâlde soe, dat is dus blykber net sa. De oanstriid sil faaks wol bestean bliuwe en men pielt dan faaks noch wol ris wat op in papierke om, mar echt ‘grutte’ produksje bliuwt dan út. Ik bin bliid te fernimmen dat foar my net opgiet.
Hoe is dat mei jimme sa? As der gjin inkeld, of op syn heechst in goede tsien, boek mear ferkocht wurdt, hingje jimme dan de pinne (of kompjûter) yn ’e wylgen?… Lês fierder

Geart Tigchelaar

Sinjalemint ‘Dat it streamt’ fan Wilco Berga

Pleatst op
logo.ensafh

Wilco Berga soarget foar ûnder oare ‘ferrassende ûntknopingen’ sa ûnthjit ús, as lêzer, de achterflaptekst. En neat is minder wier.
Ik kin no al wol sizze dat de ferhalen stik foar stik mei in soad soarch en belied konstruearre binne. Dat hat der foar soarge dat se foarst goed yninoar stekke en oard dat it yn kreaze styl en opbou skreaun is.
De ferhalen hawwe allegear mienskiplik dat it haadtema ferhâldings tusken minsken binne. Oeral spilet wol wat en meast yn it negative, of sit der alteast in negative diminsje oan. Is dat lykwols yn it echte libben ek net it gefal?… Lês fierder

Geart Tigchelaar

Foaropwurd

Pleatst op
logo.ensafh

No is it bytiden sa dat elke keutel dy’t lein wurdt fuortdaliks kard wurdt. Hat er de goede lingte en dikte. Is de tekstuer en struktuer goed, net te hurd, mar foaral net te sêft (bah!). En fansels, it wichtichste mei in keutel, hoe is de geur.
Yn alle lytse herntsjes fan ’t ynternet wurdt wol in keutel lein. As dat no op in ferneamd bloch is of as it mar in neatsizzend persoan op Twitter of Facebook (bestiet Hyves noch?) is. Der is altyd wol ien dy’t mient reagearje te moatten op sa’n leine keutel. Dat is ek krekt de bedoeling fan de sosjale media en krekt de bedoeling fan ’e minsken dy’t der op sitte en dingen poste.… Lês fierder

Geart Tigchelaar

acedia

Pleatst op
logo.ensafh

moarnsdage ropt him om grom
by in nije dei fol brein
mei ’t piipjen fan wekker

fakânsje sûnder werklik
útsjoch en ’e skamte fan
it net wêzen wolle
ropt him om grom

altyd warber lykje foar it
alsjend each fan de machtige
buorman achter geraniums

net it ferfelen mar it net
meitellen ropt him om grom… Lês fierder

Geart Tigchelaar

Foaropwurd

Pleatst op
logo.ensafh

No is it Boekewike, oftewol tsien dagen, en is hiel Nederlân yn ’e ban fan it lêzen fan boeken. Men kin nije boeken oantuge, âlde op ’e nij lêze, ris ien fan in freon of oare kunde lêze of neam mar op.
Mar as jo noch ientsje binne dy’t thús in boekekast hat – der wie ris in filosoof dy’t sei dat in hûs sûnder boeken as in lichem sûnder siele is (hoe sil dat aanst mei de e-reader wêze?) – dan hawwe jo dat grif op in beskate wize oardere. Guon dogge dat blykber op kleur of op grutte. Ik it leafst op auteur, kin men teminsten in beskaat boek sa wer fine.… Lês fierder