Om my te dûsen brûk ik sjippe, hierwaskersguod en trije, fjouwer of fiif soarten dûssjel. Ik brûk ek altyd in gewoan stik Palmolive-sjippe. It hierwaskersguod is fan it merk Sanex en lyksa ien fan dûssjellen, sa’t ik ek Sanex foar ûnder ’e oksels brûk, Sanex-skearsjel en Sanex-aftershave. De oare en wichtichste dûssjellen dy’t ik brûk binne fan Kneipp. Dêr brûk ik de soarten Jeneverbei, Ylang-Ylang, Lavindel en Ginko fan. Ik dûs my yn alle gefallen altyd mei Ginko en Ylang-Ylang en de Sanex-sjel. Ik bin sljocht op Ginko, om’t dy sa allemachtich sacht is. Mar de lêste moannen kin ik Ginko net besette, by alle drogisterijsaken yn ’e stêd net.… Lês fierder

che yn 1951

Ut Reisoantekens 1), it ferslach fan in reis op ‘e motor troch Latynsk Amearika dy’t Ernesto yn 1951-1952 makke mei syn freon Alberto Granado (it begjin):

‘Dit is net it ferslach fan yndruk meitsjende heldedieden, mar it is ek net allinne mar in ‘wat synysk ferhaal’; sa is it alteast net bedoeld. It is in haadstik út twa libbens dy’t op dat stuit in skoft mei-inoar op gongen, mei mienskiplike aspiraasjes en dreamen. In minske kin yn njoggen moanne fan syn libben oan in protte dingen tinke, fan ferheven filosofyske bespegelingen oant de leech-by-de-grûnske langst nei in board sop, al nei’t er de mage fol hat of net; en as er dêrby ek noch in bytsje aventuerlik ynsteld is, kin er yn sa’n snuorje mominten trochmeitsje dy’t faaks ek foar oaren nijsgjirrich wêze kinne en dy’t foar de fûst wei opskreaun, sa’n bytsje de ynhâld foarmje fan dizze oantekens.’… Lês fierder

Ik bin foar de arbeiders en de gewoane wurknimmers en ik bin tsjin oandielhâlders, bankdirekteuren, bedriuwsbestjoerders, kommissarissen, managers en politisy dy’t it om jild en besit te rêden is.

Ik stean oan de kant fan de minsken dy’t yn de maatskippij net meikomme kinne.
Ik ha dêrta in nije politike beweging oprjochte, in beweging dy’t spuit op en striid tsjin it allerhillichste útgongspunt fan hjoeddedei: winst meitsje, mear garje as nedich is.
Myn beweging wol ta op in goed en ienfâldich bestean foar elk minske.

Wannear hat men in goed bestean? As jins sosjaal libben – it op in beskate wize meidwaan yn it maatskiplik libben, it meidwaan oan guon ferdivedearjende en aardige saken – net yn ’e wei stien wurdt troch earmoede.… Lês fierder

Yn De Groene Amsterdammer fan 16 septimber 2010 seit Sadik Harchaoui, direkteur fan it ynstitút foar multykulturele fraachstikken Forum yn de fraachpetearsearje ‘It algemien belang’: ‘Foar it earst hat de middenklasse net mear fanselssprekkend it gefoel dat har bern it better krije sille as sysels. Dat is hiel wichtich. Polityk en belied gean oant no ta inkeld oer sosjale stiging, yn it ûnderwiis, op ’e arbeidsmerk, op ’e wenningmerk. Mar minsken moatte wier rekken hâlde mei sosjale delgong. En wat bart der dan? Hoe giet men dêr mei om?’

Dat brocht my as fansels in passaazje yn ’t sin út it begjin fan in ûntjouwingsroman út de njoggentjinde ieu, Der grüne Heinrich, fan de Switserske auteur Gottfried Keller (1819-1890).… Lês fierder

Bliuwt Fryslân in provinsje, in selsstannich lânsdiel?

De simmer rint op ’e ein. It wurdt hjerst en dan winter. Mar dat is de rin fan de seizoenen mar. It lot fan Fryslân moatte wy net yn dat kader sjen. Nei de winter komt der foar de natuer wer in maitiid. Fryslân is net natuer mar kultuer. En as yn de kultuer wat fersonken is, is dat foar ivich. De kâns dat in fersonken kultuerelemint yn letter tiid wer ta libben komt is nihil en as it al wer boppe wetter komt, wurdt it net wer it libbene elemint fan earder, mar is it net mear as in referinsje.… Lês fierder

de papavers bloeie
de brânende leafde bloeit
ik moat gûle ik moat laitsje
de saalje bloeit
de ridderspoaren de roazen
de brânende leafde bloeit
ik gûl ik laitsje
it wylgeroaske bloeit
de wederik
de teunisblom
de brânende leafde bloeit
de wrâld de wrâld de wrâld
ik gûl ik gûl ik gûl
gûl gûl gûl

si û sê gûle ciwan haco si û sê gûle kurdish music diyarbekir si u se sule diyalog nikarim gund u bajaren cadiri torinamin ti ciwani gulek

gûle net yn it wylde wei

origine et histoire de « gûle » Étymologie. EB1911A-pict1.png, Si vous connaissez l’étymologie manquante de … Open book 01.svg… Lês fierder

As jonge yn in bus nei Den Haag seach ik op in stuit in fjouwerkantich, rank, heechoppich gebou, ik seach better en waard gewaar dat it opriisde út ’e grêft der omhinne.
Ik ha dat byld noait fergetten en letter kaam ik der op skoalle achter dat dat kastiel it troch de dichter Constantijn Huygens yn Voorburg boude Hofwijck wêze moast.
Letter ha ik it noch faak sjoen as ik wer ris ûnderweis wie nei Den Haag. Trochdat de diken hieltyd grutter waarden en fangrails krigen, rekke it út ’e auto wei hieltyd mear út it sicht. Ut de trein wei wie it noch altyd goed te sjen.… Lês fierder